එළඹෙන යල කන්නය ට අදාල වගා සැලැස්ම සම්බන්ධයෙන් ඒකාබද්ධ රැස්වීමක් හෙක්ටර් කොබ්බෑකඩුව ගොවි කටයුතු පර්යේෂණ ආයතනයේ දී පැවැත්විනි.
වාරිමාර්ග, වනජීවි සහ වන සංරක්ෂණ අමාත්‍ය නීතිඥ පවිත්‍රා වන්නිආරච්චි මහත්මිය සහ කෘෂිකාර්ම අමාත්‍ය මහින්ද අමරවීර මහතා ගේ ප්‍රධානත්වයෙන් මෙම රැස්වීම කැඳවා තිබුණි.
යල කන්නයේ වගා සැලැස්ම ට අනුව ගොවි ජනතාව ට උපදෙස් නිකුත් කිරීම ට පෙර ඒ සඳහා රේඛීය ආයතන සමඟ සාකච්ඡා කර තීන්දු තීරණ ගැනීම මෙම රැස්වීමේ අරමුණ විය.
ඒ අනුව වාරි ජලය නිකුත් කිරීම, කාලගුණික තත්ත්වය, අඩු වයස් ගුණාත්මක මට්ටමෙන් ඉහළ වී ප්‍රභේද තීරණය කිරීම, නියමිත සංයුතිය සහිත රසායනික පොහොර භාවිතය, වාරිමාර්ග පද්ධති ප්‍රතිසංස්කරණය ඇතුළු අංශ කෙරෙහි මෙම සාකච්ඡාවේදී අවධානය යොමු විය.
මෙහිදී, වාරිමාර්ග, වනජීවි සහ වන සංරක්ෂණ අමාත්‍ය පවිත්‍රා වන්නිආරච්චි මහත්මිය වාරිමාර්ග දෙපාර්තමේන්තුවේ සහ මහවැලි අධිකාරියේ නිලධාරීන් ට උපදෙස් ලබා දුන්නේ නියමිත වගා කන්න සැලැස්මට අනුව ජලය නිකුත් කිරීමට පියවර ගන්නා ලෙසයි.
එල්නීනෝ කාලගුණික තත්ත්වයක් පිළිබඳව පවතින පුරෝකථනය හමුවේ වගා කටයුතු සඳහා ජලය බෙදා හැරීම සීමා වේ යැයි ගොවි ජනතාව තුල කිසිදු සැකයක් ඇතිකර ගත යුතු නොමැති බව පෙන්වා දුන් අමාත්‍ය වරිය, එහෙත් වාරි ජලය හැකි උපරිමයෙන් කළමනාකරණය කර ගැනීමේ අවශ්‍යතාවය දැඩි ලෙස අවධාරණය කර සිටියාය.
එමෙන්ම මාර්තු මාසය ඇතුළත දිවයිනේ සියළු වාරි ව්‍යාපර සඳහා ජලය ලබා දී අවසන් කිරීම ට මෙම සාකච්ඡාවේදී තීරණය විය.
වාරිමාර්ග නඩත්තු කටයුතු වලට අදාල ප්‍රතිසංස්කරණ කටයුතු ප්‍රදේශයේ ගොවි සංවිධාන වෙත විධිමත්ව ලබාදීම මඟින්, ඒ හරහා ගොවි ජනතාව ගේ ආර්ථිකය ශක්තිමත් කළ හැකි බව පෙන්වාදුන් අමාත්‍ය පවිත්‍රා වන්නිආරච්චි මහත්මිය, ඒ සඳහා සුදුසු විධිමත් වැඩපිලිවෙලක් සකස් කරන ලෙස අදාල නිලධාරීන්ට උපදෙස් ලබා දුන්නා ය.
මෙහිදී, ගොවි නායකයන් විසින් ඉදිරිපත් කරන ලද ගැටළු සඳහා විසඳුම් එම දිස්ත්‍රික්කයටම පැමිණ ලබාදීමටත්, ඒ අනුව ප්‍රථම අදියර කුරුණෑගල හා අනුරාධපුර දිස්ත්‍රීක්ක තුළින් ආරම්භ කිරීමටත්, අමාත්‍යවරිය විසින් එකඟතාවය ලබාදෙන ලදී.
මෙම අවස්ථාවට සහභාගි වූ කෘෂිකාර්ම හා වැවිලි කර්මාන්ත අමාත්‍ය මහින්ද අමරවීර මහතා කියා සිටියේ
ගුණාත්මයෙන් ඉහළ පොහොර නිසි වේලාවට නිකුත් කිරීම සඳහා සියලු කටයුතු සූදානම්ව පවතින බව ගොවි සංවිධාන නියෝජිතයින් හමුවේ කියා සිටියේ ය.
මේ අවස්ථාව සඳහා කෘෂිකර්ම, වැවිලි කර්මාන්ත අමාත්‍ය මහින්ද අමරවීර, රාජ්‍ය අමාත්‍යවරුන් වන ශෂීන්ද්‍ර රාජපක්ෂ , ලොහාන් රත්වත්තේ, ඩී.බී. හේරත්, මොහාන් ප්‍රියදර්ශන සිල්වා යන මහත්ම මහත්මීන් ද, කෘෂිකර්ම හා වැවිලි කර්මාන්ත අමාත්‍යාංශය, වාරිමාර්ග අමාත්‍යාංශය, කෘෂිකර්ම දෙපාර්තමේන්තුව, වාරිමාර්ග දෙපාර්තමේන්තුව, ගොවිජන සංවර්ධන දෙපාර්තමේන්තුව, පොහොර ලේකම් කාර්යාලය, ලක්පොහොර හා කොමර්ෂල් පොහොර සමාගම්, ශ්‍රී ලංකා මහවැලි අධිකාරිය, හෙක්ටර් කොබ්බෑකඩුව ගොවිකටයුතු පර්යේෂණ හා පුහුණු කිරීමේ ආයතනය ඇතුළු රේඛීය ආයතන නියෝජනය කරමින් රාජ්‍ය නිලධාරීන් සහ සමස්ත දිවයිනම ආවරණය කරමින් සුළු හා මහා වාරි ගොවි සංවිධාන නියෝජිතයින් විශාල පිරිසක් සහභාගි වී සිටියහ.
සිසිර විජේසිංහ මාධ්‍ය ලේකම්
වාරිමාර්ග අමාත්‍යාංශය
0714048940
එළඹෙන යල කන්නය සඳහා මාර්තු මාසය ඇතුළත ජලය ලබා දී
අවසන් කිරීම ට පියවර.
පොල් පැල 25 000 ක් බෙදා හැරේ.???? ??? 25 000 ?? ???? ????.
